الجفراني 2026 - قمة المشراف || يزيد بن هزاع العدواني الحمادي || سلطان الحويقل & سلطان بن بشيّر Oct 14, 2026

Description

إشترك في قناة الجفراني الرسمية للوصول إلى أحدث إصداراته الفنية:
www.youtube.com/@Aljafrani

رجل الاعمال يزيد بن هزاع العدواني الحمادي
كلمات سلطان الحويقل - سلطان بن بشير
اداء الجفراني
فيديو شغموم
انتاج فني تون لايف




الكلمات :

دخيلك يالنديم اللي تجدد طاري الاسلاف
ترى الذكرى القديمه للضلوع العوج جزاره

امرك في مكانك وارمي شماغي على الاكتاف
على قل الكلافه وش يرد الجار عن جاره ؟

عن زحام المدينه نغتني بـ المجلس المضياف
يكفّي عن ( مشاريع الدول ) شبلً على ناره

لاونه في كنف بيت الشعر مترامي الاطراف
اشوف الراحه اللي في طرف مركاه وو جاره

ليا فاحت مباهير الدلال وحافها الحواف
تنشّد من يعرف الكيف عن هيله و مسماره ؟

رفيق الدرب و الجرح الدفين وقمة المشراف
هي اللي تبحث الرجال لين تبيّح اسراره

سقى الله شمس عمري قبل لا تقبل على المهياف
وسقى الله ضحكة ً قد خلت العبرات مدراره

ضروف الوقت مايحمد لقاها والقدر خطاف
يتعبك الفقيد الغالي اليا صرت قباره

احن من الزمن وتحن بنت الفاطر الميلاف
قريعً تقطف الروض الحيا وتطخ مخضاره

عسى ربي يعجّل ب السحاب الممطر الهتاف
ليا هلت مزونه خلت الشعبان هداره

على هاك الديار اللي طبيعتها حجا و سناف
يشم الجرح لا صاك الربيع و خنت ازهاره

من يعاني من الحرمان والتنكيد والاجحاف
طرات العمر لا من المقاود بعدت داره

يرد الليل صوته كل ماغنى و جر القاف
تقول انه يسولف للظلام و يهتك استاره

سلطان الحويقل

سمح قلبه من احداث الزمن واقفى وصد وعاف
من الي ما يعذره واطيب الاجواد عذاره

عذابه كل ما جر الطويل وطروا المنكاف
يخيل البرق في عرض السماء ويلاعب الطاره

يردد بالخفا ( يا عبيد لا غنت سيور الهاف )
يبى هاك الطريق يغربه ويطول مشواره

ليا طاح المطر طاحت هموم الخاطر المنلاف
اثر ذكر الحيا والطيبين تبيّن اذكاره

طرالي في طرف جمران ضلعٍ رايته تنشاف
يزيد الي على اسمه كل يوم يزيد مقداره

ولد هزاع لا هاب الذليل وجنّب الخواف
عصب راسه وقام حزام جنبه يزحم زراره

يطيع المدح ويقبل يمين الهيلع الجزاف
ليا عيا عن اللي شابكً يمناه بـ يساره

هذا العدواني الي للعدو جرحٍ بدون اسعاف
يوقف في نحاه و يلحق الغاره ورى الغاره

شجيعً ب المراجل حارب الاحزاب و الاحلاف
جعله الله دمار جموعهم لا رزوا الشاره

رباه الشايب الي عمته وقت اللقا تنكاف
وطار النادر الي هدته من كف صقاره

سلطان بن بشيّر

كريمً مايحط العذر ف التبذير و الاسراف
يبرك له جمل فوق الجمل ويسوق معذاره

على بوابته جمع القبايل واكثر الاطياف
ولا حدن لايمه و الحشو في دنا و قناره

ولادار العود الازرق في محله زاكي الاصناف
عرفت الفرق لامنه تخلع فوق مجماره

يا طيب اللي ليا جوه الطراقي كن فيه خفاف
ماهوب اللي حجاجه عاقده ف وجيه زواره

تولع في هوى صمخ النوادر راسه المشعاف
ياحي الراس لا منه (دجر ) مع درب دجاره

زبون الفارط اللي عيبها الميات والالاف
يدور في طرفها طنخته مادور تجاره

يخط الشيك ابومليون فوق جلالها الشفاف
ولا يركي كوعه الا في شداد و قلة حواره


سلطان الحويقل

لا شاف الفردي اللي فوقها سود البشوت لحاف
عزلها مثل عزل الشيخ والفرسان قهاره


هذا الحمادي اللي لا تعزوى يحرق الصراف
وهذا اللي دون ربعه هيبة اسمه ترفع اشعاره

تقدم عن مطنخ روق للوقفه و للميقاف
يبى بكره على صاهد منيف يعد محداره

مثل محدار جمع عتيبه الهيلا زمانً طاف
توهّل نجد الانجد قوة عظمى و جباره

نهار ان اليدين طوال و الجزعه كلامً حاف
دمار اللي يفحّم سبقه و يعسّف مهاره

نضد اشجع شيوخ القوم ونحده على المذلاف
نحوّل في مبارك ذوده ونارد على ابياره

ترانا نصرة التوحيد و الشيخان والعراف
ولا نا مع معزي يحفظ التاريخ مقداره

سلطان بن يشير